O Caption
تفريغ الصوت لنص بدون نت في دافنشي ريزولف (Whisper)
كيف تحول كلامك لنص مكتوب على جهازك بدون رفع الفيديو ولا اشتراك، وتستخدمه ككابشن في DaVinci Resolve.
التفريغ اليدوي ياخذ ساعات. خدمات التفريغ الأونلاين أسرع، لكنها ترفع صوتك لسيرفر خارجي وأغلبها باشتراك. الحل الثالث: محرك Whisper يشتغل على جهازك نفسه.
ليش Whisper؟
- يدعم العربي والإنجليزي ويعرف اللغة تلقائياً.
- يعطي وقت كل كلمة، فتقدر تسوي كابشن كلمة كلمة بدقة.
- يشتغل بدون نت بعد أول تحميل للمحرك، وصوتك ما يطلع من جهازك.
الخطوات
- افتح التايم لاين اللي فيه الكلام.
- من Workspace ← Scripts افتح O Caption.
- اختر «صوت التايم لاين» واللغة (أو تلقائي)، واضغط «فرّغ الصوت».
- أول مرة بس يحمّل المحرك، بعدها التفريغ يصير على جهازك مباشرة.
- راجع الأسطر، اختار القالب، وأضف.
نصائح لدقة أعلى
- صوت واضح بدون موسيقى عالية.
- ميكروفون قريب من المتكلم.
- لو اللهجة قوية، راجع الأسماء والكلمات العامية بعد التفريغ.
💡 عندك ملف SRT من برنامج ثاني؟ O Caption تستورده وتحوّله لكابشن متحرك بنفس القوالب.